Hönnunarteymið Red Carpet eru þeir Massimo Santanicchia,Ragnar Már Nikulásson og Mattia Gambardella.

Hönnunarteymið Rúmmeter eru þau Sara Axelsdóttir, Hildur Björgvinsdóttir og Jón Teitur Sigmundsson.

Skráningar á því hvar fólk nam staðar og atferli þess voru gerðar einn virkan dag í júní þegar bílaumferð var leyfileg og svo endurteknar virkan dag í júlí þegar búið var að loka fyrir bílaumferð. Merkt var við fimm sinnum yfir daginn hvar fólk nam staðar. Einnig var skráð niður hvað fólk var að gera þegar það stoppaði með sérstöku flokkunarkerfi sem útbúið var í samvinnu við Pál Líndal umhverfissálfræðing. Skráningardagarnir eru sambærilegir þar sem veðurfar var líkt og fóru talningarnar fram í miðri viku.

Viðhorfskönnun var endurtekin frá á árinu áður þar sem kannað var viðhorf rekstraraðila og vegfarenda til göngugatanna. Rekstraraðilar voru einnig spurðir hvort tilraunin hefði haft áhrif á viðskiptin. Í fyrra kom í ljós að bæði vegfarendur og rekstraraðilar voru jákvæðari um að göngugötuna eftir tilraunina en fyrir, og jókst jákvæðnin hlutfallslega meira hjá rekstraraðilum frá 43,3% upp í 69%. Eftir tilraunina í ár hefur jákvæðnin aukist enn meira og er komin upp í 75,6%. Minni breyting hefur verið í viðhorfi vegfarenda á Laugavegi en þeir eru almennt mun jákvæðari, voru 81,8% fyrir og 91% eftir í fyrra, en 94% eru jákvæðir í ár. Svipað viðhorf er til Skólavörðustígarins eða 93% jákvæðir. Fleiri og fleiri virðast kunna að meta göturnar sem göngugötur.

Á Skólavörðstíg er viðhorf rekstraraðila almennt neikvæðara, en 55% eru jákvæð. Þegar horft er til áhrifa á viðskipti er þó aðeins 16,7% sem segja göngugötuna hafa haft neikvæð áhrif, svipuð tala er á Laugarvegi eða 17,1%. Hinsvegar segja 33,3% á Skólavörðustíg og 46,3% á Laugavegi að lokun bílaumferðar hafa haft jákvæð áhrif. Hinir eru hlutlausir eða segja enga breytingu hafa orðið.

Mikil stemning myndaðist á göngugötunum í sumar og telur Borghildur góðar ástæður vera fyrir því að halda göngugötum áfram á sumrin enda virðast þær sífellt festast betur í sessi í borgarlífinu.

Úttekt Páls Líndal umhverfissálfræðings á göngugötunum

Talningar

Í sumar tók hönnunarteymið Óðinstorg að sér auða lóð við torgið og lífgðuðu upp á svæðið með samfélagsgarði. Rán Flygenring teiknaði vegglistaverk sem málað var á vegg sem snýr að garðinum. Haldin var svokölluð skrímslasmiðja þar sem börn komu saman á torginu og teiknuðu og máluðu og fengu innblástur frá vegglistaverkinu. Margar fleiri uppákomur hafa verið í garðinum í sumar, býttibókamarkaður vakti lukku og börn voru dugleg að mæta og hjálpa til við að smíða og mála. Hönnunarteymið og íbúar á svæðinu hafa verið einstaklega duglegir að hlúa að garðinum sem hefur sannarlega slegið í gegn.

Hönnunarteymið Óðinstorg eru þær Sari Peltonen og Kristrún Heiða.

The Turf Network eru þau Guðmundur Hrafn Arngrímsson, Gunnar Óli Guðjónsson, Jón Rafnar Benjamínsson og Tina Brix Lind

Endur-skoðendur borgarinnar eru þær Hjördís Sóley Sigurðardóttir,Móheiður Obel,Birta Þórhallsdóttir og Freyja Eilíf Logadóttir

Hönnunarteymið Himinn og Haf fengu það hlutverk í sumar að glæða Fógeta garðinn lífi og kom hópurinn fyrir innsetningu í þeirri von um að vekja meiri athygli á þessum lítið notaða stað og fá fleiri til að nýta sér staðinn.